La agrupación folclórica recuerda el Memorial Almudena Torres, suspendido este año, y agradece a participantes, colaboradores y vecinos el apoyo prestado al festival.
Güei, una selmana enantes de Santana, el Grupu Folclóricu "Les Xanines" de Quintes tenía que tar celebrando'l VI Festival Folclóricu Les Xanines de Quintes "Memorial Almudena Torres". Les circunstancies nun lo permiten, pero lo que sí podemos ye aprovechar pa facer memoria y dar les gracies a tolos que ficieron posible estos cinco años de festival.
Lo primero de too ye dar les gracies a tolos grupos que pasaron per Quintes estos años: Agrupación Folclórica de Galapagar (Madrid), Agrupación Folklórica La Sidrina (Llugones), Coros y Danzas de Lillo (Toledo), Grupu Baille Tradicional Fitoria (Uviéu), AC Xarandeira de Pontecesures (Galicia), Folklore Alleran (Aller) y Grupo Folclórico e Cultural de Tardariz (Portugal).
Gracies tamién a tolos que mos sofiten: Comisión Fiestas de Santa Ana de Quintes, Ayuntamiento de Villaviciosa - Asturias y Caja Rural de Gijón. Tamién al blogue Quintes, Mirador del Cantábrico pola so cobertura y a la xente de Quintes por participar nel eventu.
Un reconocimientu especial a los padres y madres del grupu y a los cocineros de la espicha pol so trabayu. Y, mui importante, a toles xanines y trasgos pola so allegría y los son bailles.
El festival ye un día pa pasalo bien, pero tamién p'alcordase de tolos que puxaron pol grupu y yá nun tán con nós. Un recuerdu especial pa la xanina Almudena Torres, siempre presente na nuesa memoria. Y un abrazu mui fuerte pa los padres. Almudena Lopez Rosado y Miguel Torres
Xurde Menéndez Caravia
